رفقة الطيــــب للشاعر / شجاع بن نايف بن سعيدان

اتمــشى ضايــقن خــاطــــــري مــمــــا وراي @@ لو ما اسج القدم مخطرن عقلي يطير
من نشدني وش بلاي اقول اللى بـــــــلاي@@ جعله ما يبلا كبير(ن) ولا يبلا صغير
فاقد(ن)رفقة رفيق(ن)من اعز اخويــاي@@ يا الله انك تذكره دايم بمليون خيـــــــر
مونس(ن)فرقاه نار(ن)توقد في حشاي@@ رافع(ن) مكانته في معاليق الضمير
عارف(ن) قيمته وعارف وش مســــتواي@@ ما يغيرنا الزمن لو يصير اللي يصير
رفقة الطــيب ومن هــو يشـابه له هــواي@@ ذا هواي وكل شخص على نفسه بصير
الظروف اثنين ظرفن يروح وظرف جــاي@@ والبشر بظروفها والليالـــي تستـــديــر
يا رفيقي منت بمخــطي ولا هـذا بـخطاي@@ كلن يسج قدمه والغلا وسط الضمير




صح لسانك يا ابو نايف

وريث المراجل أررررحب
لاهنت على الطرح وصح الله اللسان الشاعر / شجاع بن نايف

تقديري

لاهنت على الطرح وصح الله اللسان الشاعر / شجاع بن نايف

اقتباس المشاركة الأصلية كتبت بواسطة العاقل الحكيم وريث المراجل أررررحب لاهنت على الطرح وصح الله اللسان الشاعر / شجاع بن نايف تقديري

البقى ... ولا انت

اقتباس المشاركة الأصلية كتبت بواسطة ابن مجمش لاهنت على الطرح وصح الله اللسان الشاعر / شجاع بن نايف

ولا انت ..